Ruta das illas e das aves

O noso barco, Neptuno Sub e a «Ruta das illas e das aves» achégache a zonas do complexo intermareal Umia–O Grove como son as bateas, as lagoas, zonas de avistamento de aves.. ademais poderás contemplar en todo momento o fondo mariño e gozar dunha degustación de produtos da zona.
¡Benvindo a bordo do Neptuno Sub!

 A illa da Toxa

A Toxa é famosa polas súas augas medicinais e o seu magnífico balneario. Unida a O Grove por unha preciosa ponte de principios de século e ubicada na enseada do Grove, a Illa da Toxa conta cunha importante infraestrutura hoteleira, casino de xogo, os seus campos de golf, piscinas, etc... e un entorno paradisíaco que a fan única na xeografía galega.

 Lagoas

É unha das zonas de espazo natural profundamente modificada polo home. A natureza arxilosa do seu chan é motivo de aproveitamento deste mineral desde fai moitos anos para fabricación de tellas e ladrillos. Hoxe en día, os antigos pozos de extracción atópanse transformados en interesantes lagoas cheas de vida. Patos, "demos negros", somorgullos e polas de río, ademais de distintas especies de paxaros, habitan estes lugares resgardados pola vexetación palustre.

 Mazaricos

Inconfundible polo seu longo e curvado pico, o mazarico real (Numenius arquata) é, entre as limícolas que visitan a Enseada Umia - O Grove, a de maior tamaño.

No inverno podemos atopar máis de douscentos individuos. Nos pasos de primavera e outono tamén se observa o mazarico trinador.

 Alavancos

O Alavanco real (Anas platyrhynchos) é o pato máis
común de Europa. Neste espazo natural é sedentario e cría nas lagoas, zonas encharcadas e xunqueiras. A esta poboación autóctona súmanse un bo número de ivernates que fan do complexo intermareal un dos seus hábitats máis importantes de Galicia.

 Bateas

As augas da Ría de Arousa lideran o ranking mundial de contido en plancto (conxunto de animais e prantas microscópicos), que alimenta a coñecidos e saborosos mariscos.
A economía local xira arredor da gastronomía. Preto de 3.000 bateas adicadas ao cultivo de mexillón e ostra, unha produción anual de 270.000 t de mexillón (Galicia é o 2º produtor mundial, tan só tras China), unha lexión de mariscadores a pé e a flote, e unha gran flota de barcos de baixura... fan da Ría de Arousa unha rexión fortemente marcada pola pesca e o marisqueo, deixando tamén a súa pegada nas tradicións e cultura locais.

 O Grove

A comarca está habitada desde a Prehistoria. Diversos restos de castros e petroglifos acreditan a existencia de poboación humana desde etapas prehistóricas.
O Salnés é rico en restos arqueolóxicos e patrimoniais de diversas épocas: construcións dos séculos VI e V antes da nosa era, necrópole (como a de Adro Vello), materiais cerámicos dos séculos I e II, torres para a defensa contra os viquingos (Torres da Lanzada e de San Sadurniño, século X), e gran cantidade de igrexas, capelas e ermidas de distintas épocas e estilos.
Os antepasados non nos legaron tan só construcións, senón tamén crenzas e lendas, como por exemplo o coñecido rito precristián das nove ondas da Lanzada en busca da fertilidade feminina.